Ութ նյութ, որոնք դանդաղեցնում են ուղեղի ծերացումը. 1in.am

Տարիքի հետ մարդկանց մոտ մտավոր ֆունկցիաների վատթարացում է նկատվում: Վերջերս կատարված հետազոտությունները հաստատել են, թե որ նյութերն են դանդաղեցնում ուղեղի ծերացումը, գրում է medicina.ua-ը:

1.   Կակաոյի ֆլավոնոլները բարելավում են արյան շրջանառությունը և սրտի աշխատանքը: Որոշ ուսումնասիրություններ ցույց են տալիս, որ դրանք դրական են ազդում ուղեղի կառուցվածքի վրա, որոնք պատասխանատու են տարեց մարդկանց հիշողության համար:

2.   Օմեգա-3 ճարպաթթուները օգտակար են ո՛չ միայն սրտի, այլև ուղեղի համար: Դրանք պարունակվում են ձկան և կտավատի սերմի մեջ:

3.   Ֆոսֆատիդիլսերին և ֆոսֆատիդային թթուների համադրությունն օգնում է պահպանել հիշողությունը, բարելավում է տրամադրությունը և տարեց մարդկանց մոտ մտավոր կարողությունները:

4.   Ընկույզը նվազեցնում և դանդաղեցնում է Ալցհեյմերի հիվանդության զարգացումը:

5.   Ցիտիկոլին բնական նյութը նպաստում է ուղեղի հյուսվածքների զարգացմանը, ամրապնդում նեյրոնների միջև կապը, նեյրոնային կառուցվածքները պաշտպանում ազատ ռադիկալների վնասվածքներից:

6.   Խոլինը սովորաբար ասոցացվում է լյարդի և կանանց վերարտադրողական ֆունկցիայի առողջության հետ: Սակայն այն նաև օգնում է ուղեղին և կանխում ծերանալու ընթացքում նրա կենսաքիմիական փոփոխությունները: Խոլինի հիմնական աղբյուրը ձուն է:

7.  Մագնեզիում հաճախ նշանակում են ուղեղի ցնցումով հիվանդներին: Մագնեզիումով հարուստ է ավոկադոն, սոյան, բանանը և սև շոկոլադը:

8.   Հապալասը հայտնի է իր հակաօքսիդանտներով և հակաբորբոքային հատկություններով: Այն մեծ քանակությամբ ֆլավոնոիդներ է պարունակում, որոնք ուժեղացնում են մթերքների օգտակար հատկանիշները:

Հարցեր, պատասխաններ, մեկնաբանություններ